طريقة عمل قناة يوتيوب واستلام الارباح في العراق -انشاء حساب كوكل ادسنس
السلام عليكم شباب و بنات الكروب
اليوم راح احجي الكم عن اليوتيوب و شلون نسوي حساب مصرفي بالعراق
و هل قناة اليوتيوب بيه 💵💵💵
اولاً /// قبل لا تسوي قناة يوتيوب لازم تتخصص بموضوع القناة مثل ما تطلع من السادس الإعدادي و تريد تقدم على جامعة حسب التخصص الي تحبه
لازم تنشر فيديوهات ما تكون بيها حقوق طبع و نشر
ثانياً /// لازم تصبر على اقل سنة حتى تخلص من متطلبات تحقيق الأرباح من اليوتيوب و من يكون عندك جمهور خاص بيك
ثالثاً /// تحقيق الأرباح اختلفت بعد عام 2019 يمكن / صارت اكو قرارات جديدة لازم قناتك تجيب 1000 مشترك و تجيب 4000 ساعة مشاهدة خلال ١٢ شهر و مسوي حساب كوكل ادسنس
رابعاً /// بعد ما تكمل متطلبات تحقيق الأرباح ( النقطة الثالثة) هنا لازم انت رابط القناة بحساب كوكل ادسنس و الحساب لازم توصل الك رسالة على البريد الي بمنطقتكم تأخذ مستمسكاتك و تروح الهم حتى يسون الك صندوق بريد و بعد ما تكمله تخلي معلومات صندوق البريد الحقيقة حتى يوصل الك رمز pin code و اذا ما وصل الك بعد 3 محاولات تدخل على هذا الرابط
( https://support.google.com/adsense/contact/id_verification?hl=en&rd=1 )
و تخلي اسمك و اسم القناة و اي مستمسك الك هوية جواز اي شي و تنتظر فترة 3 ايام و يروح التعليق عن الحساب
خامساً /// بعد ما كملت كل هاي النقاط الفوك الان لازم تربط حساب كوكل ادسنس بحساب مصرفي حتى تستلم ارباحك و حسب تجربتي اليوم
أن ( مصرف التنمية الدولي ) أفضل مصرف بالعراق يتعامل مع أرباح اليوتيوب حسب ما مشتركين اغلب يوتيوبرية العراق وياهم
هنا راح نوصل لنقاط جديدة الي هي!
١- لازم يكون عندك جواز سفر + المستمسكات الشخصية من هوية و بطاقة سكن و شهادة جنسية و بطاقة تموينية
٢- تروح للفرع الرئيسي للمصرف الي موجود بغداد بالعرصات و اقرب نقطة علي هي مستشفى الجادرية الاهلي و بس تسأل الكل تكول الك وين
و بالنسبة للمحافظات الجنوبية و الشمالية اكو عدهم فروع تكدرون تعرفوهن من خلال حسابهم بالفيس بوك ( مصرف التنمية الدولي )
٣- بعد ما توصل للمصرف بالباب تكول الهم اريد اسوي حساب مصرفي جديد راح ينطيك رقم و تنتظر و انت شغلك يكون بغرفة رقم 8
راح تلگا موظفين و تكول الهم اريد اسوي حساب مصرفي جديد حتى استلم أرباح اليوتيوب
٤- راح يكول الك اريد استنساخ لكل المستمسكات الي عندك و افضل حل تجيبهن كلهن مستنسخات لن ماكو مكتبة قريبة و 🔴 لازم تجيب صورة للقناة و تكون مستنسخه أهم نقطة هاي و بعدين راح ياخذون منك المعلومات و تخلي بالحساب 10 آلاف دينار و بعدين تنتظر 4 ايام و ترجع للمصرف و تكمل معاملة انشاء الحساب المصرفي
٥- تأخذ المعلومات مالت حساب المصرفي و اهم شي هي رمز IBAN و address و تروح على حسابك و تخلي المعلومات 🥺
تعبت من الكتابة 😂😂😂 👇👇
و خادم الكم بي سؤال
إدخال بريدك الإلكتروني للإشتراك في بريد الموقع السريع ليصلك جديد الموقع
إرسال تعليق
اهلا وسهلا بكم